Cada còp que visitatz un site web vòstre navegador envia una lista de paramètres. Un d’aqueles es vòstra preferéncia lingüistica. Aqueste site vos permet de verificar se vòstre navegador es configurat per demandar la lenga occitana.
Consultar los resultats de vòstre navegador
Pròva costat servidor
Cap de donada pas enviada
Pròva costat client
✔️ Lo JavaScript declara que demandatz l’occitan coma primièra lenga. Podètz visitar de sites coma Framatalk, PrivateBin, Send e un fais d’autres que se botaràn solets en occitan.😐 Lo JavaScript declara que demandatz l’occitan mas pas coma lenga preferida en primièr. Unes sites utilizaràn pas que la primièra lenga e en cas non disponibilitat, se botaràn sovent en anglés.✖️ Lo JavaScript declara PAS que demandatz l’occitan
Vòstras preferéncias lingüisticas :
Parametratge
Segon lo logicial qu’emplegatz los menús vàrian.
Firefox
Dintratz about:preferences dins la barra d’adreça del navegador puèi quichatz Entrada.
Cercatz la partida « Lengas ».
Clicatz lo boton « Causir… » per far veire la lista de lengas.
Dins la novèla fenèstra vos cal far montar l’occitan ennaut, se cal ajustatz-lo amb la lista enbàs.
Enregistratz en validant.
Amb Firefox mobil vos cal dintrar about:config e botar dins la barra de recèrca « Lang ». Cambiatz la valor per que siá de la fòrma « oc,fr-FR,es,en » segon las lengas que sabètz legir.
Chrome / Microsoft Edge / Chronium
Dintratz chrome://settings/languages dins la barra d’adreça.
Desplegatz lo menú Lenga.
Clicatz lo boton per ajustar una lenga e ajustatz l’occitan.
Clicatz a man drecha de l’occitan e causissètz « Desplaçar ennaut » per lo plaçar en primièra posicion.
Internet Explorer
Anatz a las opcions Internet.
A l’onglet General, dins la seccion Aparéncia clicatz lo boton Lengas.
Clicatz lo boton per ajustar una lenga e ajustatz l’occitan en validant amb OK.
Clicatz a man drecha de l’occitan e causissètz « Desplaçar ennaut » per lo plaçar en primièra posicion.